Cwestiynau Cyffredinol

Pryd fydd yr ŵyl?

Ar yr 11eg o Orffennaf, 2026 am 11yb - 9yh.

Ym mhle mae Gŵyl Canol Dre?

Parc Myrddin, Caerfyrddin, SA31 1DS.

Sut mae cyrraedd yr ŵyl?

Cliciwch yma i weld y fideo i ddangos y ffordd i gyrraedd yr ŵyl.

Faint yw pris mynediad i'r ŵyl?

Am ddim!

Pwy all ddod i'r ŵyl?

Mae hon yn ŵyl deuluol felly bydd rhywbeth i blesio pawb.

Beth os dwi'n dysgu Cymraeg?

Wrth gwrs! Bydd gyda ni weithdai a digwyddiadau i bawb. Cymer olwg ar raglen y diwrnod yma.

Beth fydd 'na?

Cerddoriaeth, celf, bwyd a diod, llenyddiaeth, stondinau, chwaraeon, gweithdai a llawer mwy!

A fydd angen i mi ddangos fy ngherdyn adnabod?

Mae'n bosib y gofynir i fynychwyr yr ŵyl ddangos cerdyn adnabod er mwyn profi eu hoed.

A oes unrhyw gyfyngiadau oedran?

Gan taw gŵyl deuluol yw Gŵyl Canol Dre, mae yna groeso i bawb. Gofynnwn yn garedig i blant o dan 11 oed fod yng nghwmni oedolyn.

Beth yw amserlen yr ŵyl?

Dyma restr o'r holl artistiaid a gweithdai 2026 sydd wedi eu cyhoeddi hyd yma fan hyn. Byddwn yn cyhoeddi mwy yn wythnosol, felly cofiwch edrych ar ein gwefan a/neu cyfryngau cymdeithasol yn rheolaidd.

Ble alla i barcio?

Mae croeso i chi barcio yn un o feysydd parcio yn y dref yng Nghaerfyrddin. Mae pob maes parcio o fewn pellter cerdded i'r ŵyl. Cliciwch yma i weld fideo yn ddangos y ffordd. Mae parcio am ddim ym meysydd parcio'r Cyngor Sir yng Nghaerfyrddin.

Mae gen i fathodyn glas, ble alla i barcio?

Mae yna faes parcio yn rhan o Barc Myrddin. Bydd mynediad i fynywchwyr gyda bathodyn glas. Arddsangoswch eich bathodyn a'i ddangos i'r stiwardiaid wrth y fynedfa.

Faint o'r gloch mae'r fynedfa yn agor?

Bydd y fynedfa yn agor am 11yb.

Beth os bydd hi'n bwrw glaw?

Cofiwch wisgo yn addas ar gyfer y tywydd gan y bydd y prif lwyfan yn yr awyr agored. Serch hynny, bydd y gweithdai yn digwydd dan do mewn pebyll.

Ga i ddod â phicnic?

Mae croeso i chi ddod a phicnic eich hun, ond gofynnwn yn garedig i chi beidio dod a diodydd alcoholig. Bydd gennym amrywiaeth o stondinau bwyd a diod yn ogystal â bar, felly rhywbeth i blesio pawb. Byddwn yn cyhoeddi'r rhestr o'r arlwywyr yma.

A fydd toiledau a chyfleusterau bwydo a newid ar y safle?

Bydd digon o doiledau, toiledau anabl a chyfleusterau bwydo a newid yn yr ŵyl.

Ga i ddod a fy nghi i'r ŵyl?

Ni chaniateir cŵn ag eithrio cŵn cymorth cofrestredig neu gŵn cefnogaeth emosiynol.

A fydd lluniau neu fideos yn cael eu tynnu o'r ŵyl?

Bydd Menter Gorllewin Sir Gâr yn tynnu lluniau a/neu ffilmio yn y digwyddiad. Bydd y delweddau yn cael eu defnyddio yn y ffyrdd canlynol:

Cyhoeddusrwydd printiedig yr ŵyl ar Fenter
Cyhoeddusrwydd ar-lein yr ŵyl ar Fenter (gan gynnwys cyfryngau cymdeithasol)
Eu rhannu â sefydliadau trydydd parti i'w ddefnyddio i hyrwyddo'r ŵyl

Os byddai’n well gennych i chi neu’ch plentyn beidio â chael eich llun wedi ei thynnu na’ch ffilmio, cysylltwch ag aelod o staff Menter Gorllewin Sir Gâr ar y safle ac e-bostiwch: ymholiad@mgsg.cymru

A fydd unrhyw ddarpariaeth feddygol ar y safle?

Bydd darpariaeth feddygol ar y safle trwy gydol y digwyddiad wedi eu lleoli mewn pabell ger y fynedfa.